Borðstofuborð...nýjir draumar...

Nú hafa nýjir draumar kviknað hjá mér...eftir stofuborðs ævintýrið þá læt ég mig dreyma um "nýtt" borðstofuborð....helst eitthvað verulega gamalt og illa farið !

Þegar ég rakst á þessa mynd á netinu (sjá hér fyrir neðan) þá vissi ég alveg hvernig borð mig langar í...nákvæmlega þetta borð hehehe.

Það er kannski ekki alveg hægt en það er örugglega eitthvað svipað borð að bíða mín þarna úti...ég held áfram að leita og ég mun ekki hætta leita ef ég þekki mig rétt.

Myndin segir allt um fegurð borðsins !

Þessi litapaletta lýsir mér best :-)

Rakst á þessa skemmtilegu mynd á netinu :-) finnst hún svo falleg...sýnir barnseðlið alveg 100 %

Skólinn æðir áfram, ég á erfitt með að halda í við hann en ætla að komast í gegnum þessa önn sama hvað það kostar ! Er farin að sjá fyrir endanum á þessu tímabili og ég trúi að nýrra og skemmtilegt tímabil bíði mín með sumrinu...

Knús og Kram

Kósý sunnudagur.

Er þetta ekki ekta veður til þess að kúra heima?

Í morgun var svo fallegt veður, birtan var yndisleg. Ég nýtti hana til að smella nokkrum myndum svo núna með deginum þá er bara orðið frekar dimmt yfir og því eru kertaljósin sem hlýja manni á meðan snjóbylurinn dynur úti.

Sem betur fer þá fer hlýnandi með vikunni :-)

Helgin fór líka í það að gefa fínu stofuborði make over og núna er ég að ákveða hvort stofuborðið ég ætli að eiga en annað þeirra fer í sölu.


Ég er voðalega skotin í "nýja borðinu"...þannig ég er að hugsa um að selja stofuborðið sem ég blokkaði um daginn. Hægt að sjá póstinn hérna !!

ef þið hafið áhuga á því þá endilega sendið mér póst á emailið: erlakolbrun1985@gmail.com

Einnig er spegillinn sem ég sýndi ykkur í gær enn óseldur ef þið hafið áhuga á honum líka :-)

Myndin í rammanum er af feðgum, tengdaföður mínum heitnum og yndislega manninum mínum.

**************************************************

Hérna kemur "nýja" borðið mitt :-)

Fyrir make over !

Eftir make over.

Það var málað hvítt.....

og sandpappírinn fékk að leika aðeins við það á eftir...

*****************************************

Ákvað að setja betri mynd af hjartanu hennar Öddu, myndin af því sem ég setti inn í gær var svo dökk.

 Hafið það gott það sem eftir er af helginni :-)

Knús og Kram

Til sölu !! og nýtt hjarta í safnið.

Fann voðalega sætann spegil og splæsti smá make over á hann...hvernig finnst ykkur?


Algjör puntspegill !

Ætla mér að selja hann ef einhver hefur áhuga.

Endilega sendið mér línu ef þið viljið eignast þennan sæta spegil:

erlakolbrun1985@gmail.com

Svona leit hann áður en make over-ið byrjaði.

Hann fékk nýjann lit, ég valdi pastel bleikann lit sem er voðalega sætur (nota þetta orðalag voðalega oft) og ég sé hann fyrir mér inn í fallegu stúlku herbergi :-)

*******************

Fékk sendingu í gær frá henni Öddu sem heldur úti síðunni Heima .

Ég pantaði þetta fagra hjarta sem fékk heiðursess á skápnum mínum :-)

Hafið það gott um helgina, njótið þess að eyða tíma með ykkar nánustu.

Góða helgi kæru vinir !

Knús og Kram

Er á lífi !

Er ekki hætt að henda inn póstum hingað...er bara búin að vera smá upptekin :-)

Margt spennandi í gangi hjá mér þessa daganna....fullt að gera í skólanum sem er auðvitað bæði spennandi og brjálæði en svo er ég líka með smá verkefni sem er extra spennandi !!! :-)

Fæ að aðstoða yndislega fjölskyldu með heimilið þeirra...fæ að ráðleggja henni eftir mínum hugmyndum fyrir heimilið þeirra og það er æðislega gaman !

Gæti verið á netinu að fletta upp myndum og hugmyndum, og spjallað við húsfrúna allann daginn ef ég hefði tíma í það ! svo gaman að fá að taka þátt í svona verkefni með fjölskyldunni og á meðan ég drekki ekki blessaðri konunni með hugmyndum þá er ég ánægð  ;-)

Leyfi ykkur að fylgjast með því verkefni þegar það er komið lengra áleiðis !

Langaði að sýna ykkur svona "kerta arinn" sem ég og eiginmaðurinn útfærðum hérna heima, það er svoldið vinsælt að búa þá bara til þar sem þeir eru mjög dýrir og nota jafnvel bara ótrúlegustu hluti til þess...það gerðum við allavega.

Notuðum Ikea hillu, létum saga tvær spýtur sem pössuðu akkúrat frá hillunni 

og niður í gólf, lakkaði þær hvítar.

Þær voru lauslímdar með douple tape-i á vegginn. Pössuðum að hafa þær það langar að þær skorðuðust við hilluna og gólfið, þannig festust þær einnig svo ásamt líminu þá voru þær vel fastar.

Svo fann ég mynd af múrsteinum á netinu og eiginmaðurinn prentaði hana út í vinnunni

og límdi hana á foamplötu. Hana tillti hann henni með smá douple tape-i upp við vegginn.

Meira þurfti ekki að gera til að fá fínan kertaarinn :-)

Smá rökkur kósý

Það tók mig smá tíma að ákveða hvaða mynd ég vildi fá...

Það var mikið úrval á netinu af múrsteina myndum og þær voru flestar í mjög góðum prentgæðum þannig það var lítið mál að prenta þær svona stórar.

Takk enn og aftur fyrir innlitið krakkar mínir ! mér þætti vænt um að fá fleiri komment:-)

Svo gaman að lesa þau.

Knús og Kram

"nýja" stofuborðið búið að fá make over !

Gleðilegann bóndadag !

Eruð þið búnar að finna fallega gjöf eða kannski búnar að föndra sæta gjöf handa bóndanum?

Eflaust eiga þeir skilið dekur og það er ekkert síðri gjöf sko...minn fær heimatilbúna gjöf :-) fer ekki nánar í það núna þar sem hann er mikill aðdáandi bloggsins þannig hann á eftir að sjá þetta blogg áður en hann kemur heim úr vinnuni í dag ;-) Elska þig Andrés minn ! hlakka til að fá þig heim ástin.

En komum okkur að aðalefni þessa pósts....það er neflilega málið þegar maður á litla íbúð þá verður maður að vera sniðugur þegar húsgögn eru valin...þau mega alls ekki vera of stór...stofuborðið okkar var hjúts og hentaði því ekki mjög vel hingað inn en þægilegt var það samt sem áður...stærðin leyfði okkur að nota það vel t.d. í barnaafmælum. Það sátu 13 stúlkur við það í nóvember á síðasta ári og nutu veitinga...þannig hentar það mjöööööög vel :-)

en ákveðið var að reyna finna minna borð sem hentaði betur hingað inn....og einn daginn rakst ég "óvart" á fullkomna borðið inn á bland.is (en ekki hvar !) og það var keypt á 4000 krónur af konu sem hafði misst móður sína og þetta borð kom úr dánarbúinu en það er samt mikið eldra því afi hennar og amma höfðu átt það hérna áður fyrr...ég elska hluti með sögu !

Hérna er gripurinn áður en hann fékk make over-ið:

Eflaust eru það einhverjar sem hefðu aldrei farið út í svona breytingu á svona fallegu borði, en málið er að það var mjög mikið rispað og liturinn orðinn mjög ljótur...og til að það henti betur inn á mínu heimili þá ákvað ég að gera þetta:

Ég grunnaði það allt saman, svo kalkmálaði ég fæturnar og málaði borðplötuna með London gráum sem er dásamlegur grár tónn frá Kópal.

Ég pússaði alla kanta þannig það fékk svona shabby chic look á það.

Þetta borð gaf mér innblásturinn.

**********************************************************

Útkoman er mjög flott að mínu mati :-)

Hafið það gott um helgina elskurnar !

Skápurinn enn og aftur...

Fann þessu fallegu höldur í búðinni Snúðar og Snældum.

Þær henta skápnum einstaklega vel, finnst ykkur það ekki?

Langar mikið í hjarta sem hún Adda býr til, til að hengja á skápinn...mun versla mér eitt við tækifæri :-)

http://adda-heima.blogspot.com/

eruði komnar með leið á þessu monti mínu??

                                                     ****************************

Er að fara eignast undursamlegt stofuborð og mig langar að gefa því smá make over...veit ekki alveg hvað ég ætla að gera en ég ákveð það þegar það er komið í hús...Fann nokkrar myndir af svipuðum borðum á netinu...gefur ykkur hugmyndir hvernig borðið er.

Ætla að reyna selja mitt gamla borð, einnig er ég með fallega hvíta ljósakrónu ef þið vitið um einhvern sem vantar borð eða ljósakrónu:-)

Læt fylgja með auglýsinguna mína sem er á bland.is

Auglýsingin mín á bland.is.

  

                                   ********************************************

Takk allar fyrir yndislegu kommentin ykkar :-) svo gaman að lesa þau !

Knús og Kram

Draumurinn hefur ræst !!

Fékk þennan voðalega sæta skáp á bland.is á slikk....var búin að leita mikið en svo þegar ég sá þennan þá minnti hann mig svo á ÞENNAN. Skápurinn hennar Öddu er auðvitað alveg hrikalega flottur :-)

Allavega þá fórum við hjónin í bíltúr með yngra skottið á risa stórum bíl og náðum í þennan sæta skáp sem beið okkar, rykugur...komum honum hingað heim...og hann fékk extreme make over !

Gleymdi auðvitað að mynda hann áður en ég byrjaði...en þið sjáið hér vel hvernig hann var á litinn.

Hann var grunnaður fyrst....

Svo var hann kalkmálaður !

Hér er kalkmálningin blaut.

Ég ELSKA kalkmálningu!!

Sjáið þið panelinn?? ætlaði að veggfóðra inn í bakið en snarhætti við það þegar ég sá panelinn :-)

svo var honum leyft að hvíla sig greyinu...enda mikið á hann lagt á einum degi !

Daginn eftir eða morgunin eftir hehehe gat ekki beðið lengi...þá leit hann 

Svona út !! :-)

Gæti ekki verið ánægðari með útkomuna...

á eftir að versla höldur á hann...fer í það sennilega í dag.

Mun sýna ykkur þær þegar ég hef fundið þær réttu :-)

Nú er stellið mitt komið með heiðurssess í fína fagra skápnum mínum :-)

**************************

Aðeins fleiri myndir :-)

Nú er ég hætt að monta mig ! :-)

Knús og Kram